టాస్క్ ఫోర్స్ సంచలన దాడిలో మద్యం, కలప మరియు గుట్కా నిల్వ పట్టివేత

 కొమురంభీం ఆసిఫాబాద్ జిల్లా (వుదయం) ఏప్రిల్ 25 ; వాంకిడి మండల లోని ఇందాని, బెండార గ్రామంలో అక్రమంగా మద్యం,గుట్కా మరియు కలప నిల్వలు ఉన్నట్లు  ఖచ్చితమైన నిఘా సమాచారంతో టాస్క్ ఫోర్స్ సి.ఐ అల్లం రాంబాబు ఆధ్వర్యంలో  టాస్క్ ఫోర్స్ బృ దం  తనిఖీ చేసారు.  ఈ తనిఖీలో  కుదురుపాక సాంబయ్య ఇంట్లో అక్రమంగా అమ్ముతున్న  16,345/-  విలువగల మద్యం  మరియు 4,860/- విలువగల గుట్కా ప్యాకెట్లు స్వాధీనం చేసుకోవడం జరిగిందని  తెలిపారు.   బెండార గ్రామంలో తనిఖీ నిర్వహించగా గులాబ్ షాపులో 6,255/- విలువగల మద్యం మరియు నగోష శేఖర్ ఇంట్లో అక్రమంగా నిల్వ ఉంచిన 24,000/- విలువ చేసే 10 ఫీట్ల టేకు చెక్కలు, 19,740/- విలువ చేసే మద్యం మరియు 2,852/- విలువగల గుట్కా ప్యాకెట్లు స్వాధీనం చేసుకొని తదుపరి విచారణ నిమిత్తం వాంకిడి పి.ఎస్. పోలీస్ వారికి  అప్పగించడం జరిగిందన్నారు.  టాస్క్ ఫోర్స్ టీం సభ్యులు ప్రసాద్, వెంకటేష్ లు ఉన్నారు.