మద్యం, గుట్కా నిల్వల పట్టివేత

 కొమురంభీం ఆసిఫాబాద్ జిల్లా  (వుదయం ప్రతినిధి)  ఏప్రిల్  12 ; జైనూర్ పోలీస్ స్టేషన్ పరిధిలోని జంగాం గ్రామంలో నిషేదిత గుట్కా  మరియు మద్యాన్ని స్వాధీనం పరుచుకున్నట్లు టాస్క్   ఫోర్స్ సి ఐ రాంబాబు తెలిపారు.  గురువారం ఎస్పీ కల్మేశ్వర్ సింగన్ వార్   ఆదేశాల మేరకు మద్యం మరియు గుట్కా నిల్వలు ఉన్నాయి అని  ఖచ్చితమైన సమాచారంతో   గ్రామంలోని రాథోడ్ నూర్ సింగ్, సురేష్ ల ఇండ్లలో సోదా చేయగా వంటగదిలో గ్యాస్ సిలిండర్ కింద రహస్యంగా అమర్చిన బింద లాంటి పాత్రలో గుట్టుగా దాచిన 3130/- విలువగల మద్యం మరియు 1000/- విలువగల గుట్కా ప్యాకెట్లుస్వాధీన పరుచుకొని  కేసును  తదుపరి విచారణ నిమిత్తం  జైనూర్ పి.ఎస్. పోలీస్ వారికి  అప్పగించడం జరిగిందన్నారు. ఈ దాడిలో  టాస్క్ ఫోర్స్ టీం సభ్యులు  ప్రసాద్, వెంకటేష్ లు పాల్గొన్నారు.