పని చేసిన పైసల కోసం ఉపాధి హామీ కూలీలా తిప్పలు ; వితంతు,వృద్ధాప్య పెన్షన్ లబ్ధిదారులకు తప్పని అగచాట్లు

కొమురంభీం ఆసిఫాబాద్ జిల్లా ; జూన్ 19 రెబ్బెన ; రెబ్బెన మండల పరిధిలోని వివిధ  గ్రామాలనుంచి తమ ఉపాధి కూలి డబ్బులు తీసుకోవడానికి వచ్చిన కూలీలు తమను గత 10 రోజులుగా కూలి డబ్బులు ఇవ్వకుండా తిప్పిస్తున్నారని మంగళవారం రెబ్బెన పోస్ట్ ఆఫీస్ ఎదుట సుమారు 100 మంది ఉపాధి హామీ కూలీలు  ఆవేదన వ్యక్తం చేశారు. అదేవిధంగా.వృద్ధాప్య  ఫింఛనులు, వితంతు ఫింఛనులు కూడా సరిగా అందడం లేదని వృద్దులు, వితంతువులు ఆరోపించారు. ఈ విషయంపై అందుబాటులో ఉన్న సిబ్బందిని వివరణ కోరగా  తమ అధికారి పైసలు తీసుకోని రావడానికి వెళ్లారని చెప్పారు. కానీ లబ్ది దారులు మాత్రం ప్రతి రోజు ఇదేవిధంగా చెప్తున్నారని తమను రోజులపాటు తిప్పుకుంటూ చివరికి పొద్దంతా ఉంచి సాయంత్రం బిబిఎం లు  ఇంటి వద్ద వంద రెండు వందలు తీసుకుంటు కూలి పైసలు,పింఛన్లు  చెల్లిస్తున్నట్లు ఆరోపించారు.