కొమురంభీం ఆసిఫాబాద్ జిల్లా రెబ్బెన, నవంబర్ 9 : చట్ట వ్యతిరేక కార్యక్రమాలకు ప్రజలు దూరంగా ఉండాలని ఆసిఫాబాద్ డి ఎస్ పి సత్యనారాయణ అన్నారు. రెబ్బెన మండలం లోని గోలేటి గ్రామం లో జిల్లా ఎస్ పి ఆదేశాలమేరకు శుక్రవారం డి ఎస్ పి సత్యనారాయణ ఆధ్వర్యంలో రెబ్బెన సర్కిల్ ఇన్సపెక్టర్ రమణమూర్తి నేతృత్వంలో ఎస్సై దీకొండ రమేష్ సిబ్బందితో కార్డన్ సెర్చ్ నిర్వహించారు. ఈ సందర్భంగా డి ఎస్ పి మాట్లాడుతూ గ్రామాలలో నిషేదిత గుట్కాలు, గుడుంబా అమ్మరాదన్నారు. బెల్ట్ షాపులు నిర్వహించరాదని అన్నారు. మద్యం సేవించి వాహనాలను నడపరాదన్నారు. వాహనాలు నడిపేటప్పుడు ట్రాఫిక్ రూల్స్ పాటించి ప్రమాదాలను నివారించాలన్నారు. గ్రామంలోని దుకాణాలలో నిషేదిత గుట్కా, పొగాకు ఉత్పత్తులు లభ్యమయ్యాయని, నిషేదిత వస్తువులు అమ్ముతున్నబ వారి మిద కేసు నమోదుచేసినట్లు తెలిపారు. సరైన ధ్రువ పత్రాలులేనిమోటారు సైకిల్లను స్వాధీనం చేసుకున్నట్లు తెలిపారు. లైసెన్స్ లేకుండా వాహనాలను నడుపుతున్న వారికి జరిమానాలు విధించినట్లు తెలిపారు. ఎన్నికల నియమావళి అమలులో ఉన్నందున ప్రజలు పోలీసులకు సహకరించాలని అన్నారు.
No comments:
Post a Comment