కొమురంభీం ఆసిఫాబాద్ జిల్లా (మా ప్రతినిధి) డిసెంబర్ 14 : ఉపాధ్యాయ వృత్తి చాల పవిత్రమైనదని దానిలో అలసత్వం ప్రదర్శించరాదని వరంగల్ రీజినల్ జాయింట్ డైరెక్టర్ పి . ప్రవీణ్ అన్నారు. గురువారం రెబ్బెన జిల్లా పరిషత్ పాఠశాలను ఆకస్మికంగా తనిఖీచేసి ఆయన పాఠశాల రికార్డులను, విద్యార్థుల హాజరును పరిశీలించారు. మధ్యాహ్న భోజన పథకం అమలుతీరును సంబంధిత ఏజెన్సీ ని, విద్యార్థులను అడిగి తెలుసుకొన్నారు. ఈ సందర్భంగా ఆయన మాట్లాడుతూ ఉపాధ్యాయులు తప్పని సరిగా పాఠ్య ప్రణాళికకు సంబందించిన యూనిట్, సిలబస్ ను తయారు చేసుకోవాలని అన్నారు. అనంతరం గంగాపూర్ ఉన్నత పాఠశాలని సందర్శించారు. ఈ కార్యక్రమంలో మండల విద్యాధికారి వెంకటేశ్వర స్వామి, పాఠశాల ప్రధానోపాధ్యాయురాలు స్వర్ణలత తదితరులు పాల్గొన్నారు.
No comments:
Post a Comment