ఎఐవైఎఫ్‌ ఆధ్వర్యంలో గోలేటిలో శనివారం మహేంద్ర భవనంలో చే గువేర 87వ జయంతి వేడుకలను శనివారం ఘనంగా నిర్వహించారు. ఆయన చిత్రపటానికి పూల మాలలు వేసి నివాళులు అర్పించారు. ఈ కార్యక్రమంలో ఎఐవైఎఫ్‌ నాయకులు మాట్లాడుతూ యువత సన్మార్గంలో నడువాలని, ఆయన అడుగుజాడల్లో నడవాలన్నారు. ఈ కార్యక్రమంలో దుర్గం రవీందర్‌ , ఉపేందర్‌, సాయికిరణ్‌, తిరుపతి, శ్రీనివాస్‌, తదితరులు పాల్గొన్నారు.
Saturday, 13 June 2015
రేషన్‌ను సకాలంలో అందించాలి
రెబ్బెన : మండలంలోని గంగాపూర్‌లో ఒకటవ వార్డు నంబర్‌ సభ్యుడు ముంజెం వినోద్‌ కుమార్‌ శనివారం ఎస్సీ, ఎస్టీ, బీసీ కాలనీలలో ప్రజాసమస్యల కోసం పర్యటించగా ఆహార భద్రత కార్డు వచ్చిన వారికి కూడా బియ్యం రావడంవలేదని, ప్రతి నెలా ఆన్‌లైన్‌ చేయించాలని ప్రజలు ఆయనకు వివరించారు. ఈ సందర్భంగా ఆయన మాట్లాడుతూ.. సంబంధిత అధికారులు వెంటనే స్పందించి ప్రజలకు సకాలంలో రేషన్‌ అందించాలని కోరారు.
విద్యుత్‌ అధికారులు మండల హెడ్‌కార్టర్స్‌లో ఉండాలి
రెబ్బెన : మండల కేంద్రంలోని 12 గ్రామ పంచాయితీలకు ఒక సబ్‌ స్టేషన్‌ మాత్రమే ఉండగా రాత్రి వేలల్లో కరెంటు పోయినపుడు అధికారులు అందుబాటులో లేక ఉదయం వరకు కరెంటు ఉండడ ం లేదు. దీని వల్ల ప్రజలు తీవ్ర ఇబ్బంది పడుతున్నారని సంబంధిత అధికారులు స్పందించి విధిగా హెడ్‌కార్టర్స్‌లో ఉండాలని ప్రజలు కోరారు -
రెబ్బెనలో రోడ్డు ప్రమాదం
రెబ్బెన : రెబ్బెన మండలంలోని దేవల గూడా సమీపంలో శుక్రవారం అర్థరాత్రి సమయంలో సింగరేణి అధికారులు బొలేరాలో వస్తుండగా ఎదురుగా ఉన్న టాక్టర్‌ను ఢీకొట్టడంతో ముగ్గరికి గాయాలయ్యాయి. వెంటనే స్థానికులు 108కు ఫోన్‌ చేసి ఆసుపత్రికి తరలించారు.
Friday, 12 June 2015
కాంగ్రెస్‌ పార్టీ భలోపేతానికి కృషి
రెబ్బెన : మండలంలోని గంగాపూర్‌ గ్రామ పంచాయతీలో కాంగ్రెస్‌ పార్టీ భలోపేతం కోసం కృషి చె స్తామని గ్రామ సర్పంచ్‌ రవిందర్‌ తెలిపారు. గ్రామంలో నెల లోపల ప్రతి ఇంటికి నీటి సౌకర్యం అందే విధంగా చర్యలు తీసుకుంటామన్నారు. ఈ కార్యక్రమంలో వార్డు మెంబర్‌ ముంజమ్‌ లింగం, సింగిల్‌ విండో ఉప చైర్మన్‌ వెంకటేశం చారి, దుర్గం శంకర్‌, రవిందర్‌, రాజేష్‌ తదితరులు పాల్గొన్నారు
పులికుంట రోడ్డులో సీసీ రోడ్డు ప్రారంభం
రెబ్బెన : మండలంలోని నంబాల గ్రామ పంచాయతీలో రోడ్డు పులికుంట గ్రామ శివారులో శుక్రవారం నంబాల సర్పంచ్‌ సుశీల సీసీరోడ్డు పనులను ప్రారంభించారు. పీఆర్‌జీఎఫ్‌ నిధుల నుంచి లక్ష రూపాయల వ్యయంతో పనులను ప్రారభించడం జరిగిందని అన్నారు. ఆర్‌అండ్‌బీ రోడ్డు నుంచి సీసీ రోడ్డు పనులను వేయడం జరుగుతుందని ఆమె అన్నారు. ఈ కార్యక్రమంలో ఎంపీడీఓ అలీం, ఎపీఎం రాజ్‌కుమార్‌, పీఆర్‌ఏఈ జగన్మోహన్‌ రావ్‌, ఎంపీటీసీ శ్రీను, సత్యనారాయణ తదితరులు పాల్గొన్నారు.
పాఠశాలలు పునఃప్రారంభం
రెబ్బెన : వేసవి సెలవుల తర్వాత శుక్రవారం నుంచి పాఠశాలలు పునఃప్రారంభం కానుండడంతో మండలా వ్యాప్తంగా అన్ని పాఠశాలల్లో బడిగంటలు మోగా యి. ఇంత కాలం నిర్మాణుష్యంగా మారిన రోడ్లు ఇక విద్యార్థిని విద్యార్థులతో ఉదయం, సాయంత్రం పూట కలకలలాడనున్నాయి.
కైరీగూడలో జెండావిష్కరణ
రెబ్బెన : మండలంలోని గోలేటి గ్రామ పంచాయతీలోని కైరీ గూడలో ఐఎన్‌టీయూసి అనుబంద సింగరేణి స్టాప్‌, కార్మికులు జెండావిష్కరించారు. ప్రధాన కార్యదర్శి జనక్‌ ప్రసాద్‌ మాట్లాడుతూ సింగరేణి గుర్తింపు ఉన్న జేఐటీయూసి సంఘ కార్మికుల సమస్యల పరిష్కారంలో విఫలం చెందాయని సకల జనుల సమ్మెలో సింగరేణి కార్మికులు చేసిన ఉద్యమం మరువలేమని అన్నారు. సకల జనుల సమ్మెలో వేతనాలు చెల్లించకపోవడం బాధాకరమని, వెంటనే వేతనాలు చెల్లించాలని, వచ్చిన లాభాల్లో వాటా 25 శాతం అందించాలని వారసత్వ ఉద్యోగాలను ఇవ్వాలని కోరారు. ఈ కార్యక్రమంలో నాయకులు రాజలింగు, మల్లయ్య, మహేందర్‌ రావ్‌ శంకర్‌, తదితరులు పాల్గొన్నారు.
కేజీ టూ పీజీ పథకం
రెబ్బెన : తెలంగాణ రాష్ట్ర ప్రభుత్వం కేజీ టూ పీజీ చదువుల కోసం నియమించిన పథకాలలో ఉచిత విద్యను మండలానికి రెండు స్కూళ్లలో మంజూరైనట్లుగా ముఖ్యమంత్రి కేసీఆర్‌ చెప్పినట్టు పిల్లల తల్లిదండ్రులు ఏ పాఠశాలల్లో చేర్పించాలని సతమతమవుతున్నారు. హైదరాబాద్‌ కార్పొరేట్‌ పాఠశాలల్లో ఏ విధంగా ఉన్నాయో రెబ్బెన లో కూడ అదే విధంగా ఫీ జులు ఉన్నాయని పిల్లల తల్లిదండ్రులు వాపోతున్నారు. పుస్తకాలు , యూనిఫాంలువాళ్లవ ద్దనే కొనాలని ఒత్తిడి తెస్తున్నారని పిల్లల తల్లిదండ్రులు ఆవేదన వ్యక్తం చేస్తున్నారు. ఇప్పటికైన తెలంగాణ ప్రభుత్వం కేజీ టూ పీజీ కామన్‌ వి ద్యను అమలు చేసి పిల్లలను ప్రభుత్వ పాఠశాలల్లో మౌళిక వసతులు కల్పించాలని పిల్లల తల్లిదండ్రులు కోరుతున్నారు.
కోడి పిల్లల పంపిణీ
రెబ్బెన : మండలంలోని పశువుల ఆసుపత్రి వద్ద డాక్టర్‌ సాగర్‌ ఆధ్వర్యంలో రాష్ట్రియ కృషి యోజన పథకం ద్వారా మంజూరైన కోడిపిల్లలను 10 మంది కి ఒక్కొక్కరికి 20 కోడిపిల్లలను జడ్పీటీసీ బాబు రావు , ఎంపీపీ సంజీవ్‌ కుమార్‌, స్థానిక సర్పంచ్‌ వెంకటమ్మ, గొలేటి సర్పంచ్‌ తోట లక్ష్మణ గ్రామ రైతులు తదితరులు పాల్గొన్నారు
జేఐవైఎఫ్‌ రాష్ట్ర కౌన్సిల్‌ సభ్యుడు నియామకం
రెబ్బెన : అఖిల భారత యోజన సమైఖ్య జేఐవైఫ్‌ రాష్ట్ర కౌన్సిల్‌ సభ్యుడిగా రెబ్బెన మండల గోలేటి ప్రాంతానికి చెందిన బోగె ఉపేందర్‌ను నియమించడం జరిగింది. తెలంగాణ రాష్ట్ర మహాసభలు జూన్‌ 8,9న కరీంనగర్‌ జిల్లాలో జరిగాయి. ఈ ప్రధమ మహాసభలు ఘనంగా నిర్వహించడం జరిగిందని రాష్ట్ర ప్రధాన కార్యదర్శి ఆంజనేయలు తెలిపారు
ఫించన్‌ పంపిణీ కార్యదర్శి వివరణ
రెబ్బెన : ఫించన్‌లు సక్రమంగా ఇవ్వడంలేదని ఎంపీడీవో కు ఫిర్యాదుచేయగా కార్యదర్శి వివరణ రెబ్బెన మండలంలోని పింఛన్‌లు పంపిణీ పోస్టు ఆపీసుకు అప్పజేప్పిన తరువాత సుమారు 423మంది పింఛన్‌దారులుండగా దానిలో 39 మంది టెక్నికల్‌ ప్రాబ్లం ఉండడంవలన పింఛన్‌ దారులకు కార్యదర్శి రవిందర్‌ భయోమెట్రిక్‌ వేలు ముద్ర వేయడం వలనే వారికి పించన్‌ వస్తుందని తెలిపారు. అయితే వికాలాంగ్‌ సంఘం నాయకులు లింగంపల్లి ప్రశాంత్‌ గౌడ్‌ తిరిగి వెల్లి పోయి నా పై ఫిర్యాద్‌ చేశారని ఆయన వివణరించారు.
పింఛన్‌లు సక్రమంగా ఇవ్వడంలేదని ఎంపీడీవోకు ఫిర్యాదు
రెబ్బెన : వికలాంగుల పింఛన్‌లు ఈ నెల 1 నుంచి 5లోపు ఇవ్వాల్సిన పింఛన్‌లు 20 వరకు పంచాయతీ సెక్రటరీ రవీందర్‌ ఇవ్వడం లేదని 60 మంది వికలాంగులు ఎందుకు ఇవ్వడం లేదని అడిగారు. అయితే అతను ఎక్కడ చెప్పుకుంటారో చెప్పుకోమని దుర్భాషలాడాడని తెలంగాణ వికలాంగుల సంక్షేమ సంఘ మండల అధ్యక్షుడు లింగంపల్లి ప్రశాంత్‌ గౌడ్‌ తెలిపారు. అనంతరం ఆయన గురువారం రెబ్బెన మండల ఎంపీడీవో ఎంఏ అలీంకు పంచాయతీ సెక్రటరీ రవీందర్‌పైవెంటనే చర్యలు తీసుకోవాలిని ఫిర్యాదు లేఖ అందజేశారు.
Subscribe to:
Posts (Atom)