రెబ్బెన: కాంగ్రెస్‌ అగ్రనేత, లోక్‌సభ ప్రతిపక్ష నాయకుడు రాహుల్‌ గాంధీ ఇచ్చిన ‘ఓట్‌ బచావో–దేశ్‌ బచావో’ పిలుపు మేరకు ఆదివారం న్యూఢిల్లీలోని రామ్‌లీలా మైదానంలో నిర్వహించిన బహిరంగ సభలో కుమురం భీం ఆసిఫాబాద్ జిల్లా కాంగ్రెస్‌ అధ్యక్షురాలు ఆత్రం సుగుణక్కతో కలిసి రెబ్బెన మండల కాంగ్రెస్‌ అధ్యక్షుడు కేసరి కిషన్‌ గౌడ్ పాల్గొన్నారు. యువజన కాంగ్రెస్‌ నాయకుడు ఎర్రం తిరుపతితో పాటు కాంగ్రెస్‌ నాయకులు, కార్యకర్తలు సభకు హాజరయ్యారు.
ఆసిఫాబాద్ : ఆదిలాబాద్‌లోని డైట్‌ కళాశాల మైదానంలో నిర్వహించనున్న రైతు గర్జన సభకు హాజరయ్యేందుకు వచ్చిన బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌కు సిర్పూర్‌ మాజీ ఎమ్మెల్యే కోనేరు కోనప్ప ఘన స్వాగతం పలికారు. ఈ సందర్భంగా కోనప్పతో పాటు బీఆర్‌ఎస్‌ నాయకులు, కార్యకర్తలు, అభిమానులు పెద్ద సంఖ్యలో పాల్గొని కేటీఆర్‌కు ఆత్మీయ స్వాగతం పలికారు.
కాగజ్‌నగర్‌: పేద కుటుంబాలకు అంత్యక్రియల ఖర్చుల భారం తగ్గించాలనే ఉద్దేశంతో మాజీ ఎమ్మెల్యే కోనేరు కోనప్ప చేపట్టిన ఉచిత కట్టెల పంపిణీ సేవ కొనసాగుతోంది. కాగజ్‌నగర్‌ మండలం జీడిచెను గ్రామానికి చెందిన జెల్లా నాగమల్లు మృతి చెందడంతో, ఆయన అంత్యక్రియల కోసం కోనప్ప ఉచితంగా కట్టెలు అందజేశారు. మృతుడి కుటుంబ సభ్యులకు ప్రగాఢ సానుభూతి తెలిపారు. ఈ సేవా కార్యక్రమం ద్వారా ఇప్పటివరకు కాగజ్‌నగర్‌ పరిసర ప్రాంతాల్లో 15 మంది అంత్యక్రియలకు ఉచితంగా కట్టెలు అందించినట్లు తెలిపారు. ఈ సహాయానికి బాధిత కుటుంబాలు కోనప్పకు కృతజ్ఞతలు తెలియజేశాయి.
బాల్క సుమన్‌ ఆదేశాలతో కలగూర రాజకుమార్‌ ఆధ్వర్యంలో హాజరు
మంచిర్యాల, నవంబర్‌ 1: ఆదిలాబాద్‌లో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ నిర్వహించిన రైతు గర్జన సభకు భీమారం మండలానికి చెందిన బీఆర్‌ఎస్‌ నాయకులు, కార్యకర్తలు హాజరయ్యారు. చెన్నూర్‌ మాజీ ఎమ్మెల్యే, మంచిర్యాల జిల్లా బీఆర్‌ఎస్‌ మాజీ అధ్యక్షుడు బాల్క సుమన్‌ ఆదేశాల మేరకు భీమారం మాజీ మండల అధ్యక్షుడు కలగూర రాజకుమార్‌ ఆధ్వర్యంలో నాయకులు సభకు తరలివెళ్లారు. ఈ కార్యక్రమంలో ధర్మారం సర్పంచ్ దాసరి మణిదీపక్‌, టీఆర్‌ఎస్‌వీ మండల అధ్యక్షుడు రాజేష్‌ నాయక్‌, యువజన నాయకులు చింతం తిరుపతి, రాజు నాయక్‌, దాంపూర్‌ మాజీ ఉపసర్పంచ్‌ సంతోష్‌, నవీన్‌ నాయక్‌, వెంకట్‌ మేస్త్రి, పానుగంటి లచ్చన్న, మేకల రాజబాబు, కిరణ్‌ నాయక్‌, చకినారపు రాజేష్‌ తదితరులు పాల్గొన్నారు.
మాజీ ఎమ్మెల్యే దుర్గం చిన్నయ్య ఆధ్వర్యంలో ఆదిలాబాద్‌కు పయనం
బెల్లంపల్లి, నవంబర్‌ 1: ఆదిలాబాద్‌లో రైతులకు మద్దతుగా బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ఆధ్వర్యంలో నిర్వహిస్తున్న ‘రైతు గర్జన’ కార్యక్రమానికి బెల్లంపల్లి నియోజకవర్గ మాజీ ఎమ్మెల్యే దుర్గం చిన్నయ్య నాయకత్వంలో బీఆర్‌ఎస్‌ నాయకులు, కార్యకర్తలు పెద్ద సంఖ్యలో తరలివెళ్లారు. ఈ కార్యక్రమంలో మాజీ మున్సిపల్ వైస్‌ చైర్మన్‌ బత్తుల సుదర్శన్‌, సుందర్‌రావు, దాసరి శ్రీనివాస్‌, 13వ వార్డు బీఆర్‌ఎస్‌ నాయకులు, ఆసం అఖిల్‌, ఎం.డి. హనీఫ్‌ పాషా, గజేందర్‌, దుండ్ర రవికుమార్‌ తదితరులు పాల్గొన్నారు.
ఢిల్లీలో ‘ఓట్‌ బచావో–దేశ్‌ బచావో’ సభకు భారీగా తరలిన నాయకులు, కార్యకర్తలు
కాంగ్రెస్‌ అగ్రనేత, లోక్‌సభ ప్రతిపక్ష నాయకుడు రాహుల్‌ గాంధీ ఇచ్చిన ‘ఓట్‌ బచావో–దేశ్‌ బచావో’ పిలుపు మేరకు ఆదివారం రామ్‌లీలా మైదానంలో నిర్వహించిన బహిరంగ సభకు కుమురం భీం ఆసిఫాబాద్ జిల్లా కాంగ్రెస్‌ నాయకులు, కార్యకర్తలు పెద్ద సంఖ్యలో హాజరయ్యారు. డీసీసీ అధ్యక్షురాలు ఆత్రం సుగుణక్క నాయకత్వంలో తెలంగాణ భవన్‌ నుంచి రామ్‌లీలా మైదానం వరకు కాంగ్రెస్‌ జెండాలతో భారీ ర్యాలీ నిర్వహించారు. ఈ సందర్భంగా ఆత్రం సుగుణక్క మాట్లాడుతూ.. ప్రజాస్వామ్య పరిరక్షణతో పాటు ప్రతి పౌరుడి ఓటు హక్కును కాపాడటమే ఈ ఉద్యమ లక్ష్యమని పేర్కొన్నారు. ఎన్నికల వ్యవస్థను ప్రభావితం చేస్తూ ఓట్ల చోరీకి బీజేపీ ప్రభుత్వం పాల్పడుతోందని ఆరోపించారు. ఈ పోరాటం కాంగ్రెస్‌ పార్టీకి మాత్రమే పరిమితం కాదని, దేశంలోని ప్రతి ఓటరు హక్కులను కాపాడే ఉద్యమమని అన్నారు. రాహుల్‌ గాంధీ నాయకత్వంలో చేపడుతున్న ప్రజాస్వామ్య పరిరక్షణ పోరాటానికి జిల్లా కాంగ్రెస్‌ శ్రేణులు సంపూర్ణ మద్దతు ఇస్తాయని తెలిపారు. కార్యక్రమంలో ఆసిఫాబాద్ నియోజకవర్గ ఇన్‌చార్జి శ్యాంనాయక్‌, మండల అధ్యక్షులు రాపర్తి మురళి, ఇమ్రాన్‌, సుజాహిద్‌ ఖాన్‌, రమేష్‌ జాదవ్‌, కిషన్‌ గౌడ్, చునర్కర్‌ మహేష్‌, డీసీసీ కార్యవర్గ సభ్యులు, యువజన కాంగ్రెస్‌, మహిళా కాంగ్రెస్‌ నాయకులు, అనుబంధ సంఘాల ప్రతినిధులు పాల్గొన్నారు.
లైసెన్సులు, మేకల ఆరోగ్య ధ్రువీకరణ పత్రాల పరిశీలన
ఆసిఫాబాద్, నవంబర్‌ 1:
గ్రామ ప్రజల ఆరోగ్య పరిరక్షణ, పారిశుద్ధ్య నిర్వహణలో భాగంగా రాజంపేట ఆదివారం గ్రామపంచాయతీ పాలకవర్గం ఆధ్వర్యంలో మటన్‌ షాపులపై ప్రత్యేక తనిఖీలు నిర్వహించారు. పంచాయతీ కార్యదర్శి జె. సాయికృష్ణ, బిల్‌ కలెక్టర్ నాగేందర్‌, సిబ్బంది దుకాణాలను సందర్శించి లైసెన్సులు, మేకల ఆరోగ్య ధ్రువీకరణ పత్రాలను పరిశీలించారు. మాంసం విక్రయాలకు అవసరమైన అనుమతులు, ధ్రువీకరణ పత్రాలు సక్రమంగా ఉండాలని, దుకాణాల్లో పరిశుభ్రత పాటించాలని వ్యాపారులకు సూచించారు. ప్రజారోగ్యానికి ఇబ్బందులు కలగకుండా నిబంధనలు తప్పనిసరిగా పాటించాలని స్పష్టం చేశారు. సర్పంచ్, ఉపసర్పంచ్‌, వార్డు సభ్యులతో కూడిన పాలకవర్గం గ్రామాభివృద్ధితో పాటు ప్రజారోగ్యం, పారిశుద్ధ్యానికి ప్రాధాన్యతనిస్తూ చర్యలు చేపడుతోంది.
బీఎల్‌ఎఫ్‌, ప్రజా సంఘాల నాయకుల డిమాండ్
మంచిర్యాల, నవంబర్‌ 1:
జనగణనలో బీసీలకు ప్రత్యేక కాలమ్‌ చేర్చి సమగ్ర వివరాలు సేకరించాలని, తెలంగాణలో కాంగ్రెస్‌ ప్రభుత్వం ఎన్నికల ముందు ప్రకటించిన మూడు డిక్లరేషన్లను అమలు చేయాలని బహుజన లెఫ్ట్‌ ఫ్రంట్‌ (బీఎల్‌ఎఫ్‌), ప్రజా సంఘాల నాయకులు డిమాండ్ చేశారు. ఈ డిమాండ్ల సాధన కోసం దశలవారీగా ఆందోళనలు, పోరాటాలు చేపట్టాలని పిలుపునిచ్చారు. ఆదివారం మంచిర్యాల జిల్లా కేంద్రంలోని పూలే భవన్‌లో బీఎల్‌ఎఫ్‌ ఆధ్వర్యంలో పసులేటి వెంకటేష్‌ అధ్యక్షతన రౌండ్‌టేబుల్‌ సమావేశం నిర్వహించారు. ఈ సందర్భంగా బీఎల్‌ఎఫ్‌ రాష్ట్ర కన్వీనర్‌ సంకె రవి, పసులేటి వెంకటేష్‌ మాట్లాడుతూ.. కేంద్ర ప్రభుత్వం చేపడుతున్న జనగణనలో బీసీలకు ప్రత్యేక కాలమ్‌ లేకపోవడం వల్ల వారి జనాభా, ఆర్థిక, సామాజిక, రాజకీయ స్థితిగతులపై సమగ్ర సమాచారం సేకరించలేని పరిస్థితి ఏర్పడుతుందని అన్నారు. బీసీలకు ప్రత్యేక కాలమ్‌ ఏర్పాటు చేసి పూర్తి వివరాలు సేకరించాలని కేంద్ర ప్రభుత్వాన్ని డిమాండ్ చేశారు. అలాగే తెలంగాణలో కాంగ్రెస్‌ ప్రభుత్వం ఎన్నికల ముందు ప్రకటించిన రైతు, బీసీ, ఎస్సీ, ఎస్టీ డిక్లరేషన్లలో మూడు డిక్లరేషన్లను అమలు చేయకుండా నిర్లక్ష్యం చేస్తోందని విమర్శించారు. కేంద్ర, రాష్ట్ర ప్రభుత్వాలపై ఒత్తిడి తెచ్చేందుకు ప్రజలను చైతన్యపరిచి దశలవారీగా ఉద్యమాలు నిర్వహిస్తామని తెలిపారు. సమావేశంలో బీఎల్‌ఎఫ్‌ నాయకులు కన్నూరి సమ్మయ్య, దూలం శ్రీనివాస్‌, ప్రజా ప్రంట్‌ నాయకుడు జైపాల్‌ సింగ్‌, ఐఆర్‌సీపీ నాయకుడు కె. జయరావు, ఎంఆర్‌పీఎస్‌ నాయకుడు సుందిళ్ల మల్లేష్, సామాజిక సంఘాల నాయకులు సరిత రమాదేవి, మహేందర్‌, తాడూరి పోచన్న, ధర్మన్న, శ్రీనివాస్‌, స్వామి తదితరులు పాల్గొన్నారు.
కాంస్య విగ్రహం ఏర్పాటు చేస్తాం: మాజీ మంత్రి హరీశ్‌రావు
గోదావరిఖని, నవంబర్‌ 1:
తెలంగాణ ఉద్యమకారుడు, బీఆర్‌ఎస్‌ సీనియర్‌ నాయకుడు కీర్తిశేషులు పీటీ స్వామి సంతాప సభకు ఆదివారం మాజీ మంత్రి తన్నీరు హరీశ్‌రావు హాజరయ్యారు. గోదావరిఖనిలో నిర్వహించిన ఈ కార్యక్రమంలో స్వామి చిత్రపటానికి నివాళులర్పించి, ఆయన ఆత్మకు శాంతి చేకూరాలని ప్రార్థించారు. ఈ సందర్భంగా హరీశ్‌రావు మాట్లాడుతూ పీటీ స్వామి కుటుంబానికి బీఆర్‌ఎస్‌ పార్టీ అండగా ఉంటుందని భరోసా ఇచ్చారు. ఆయన సేవలకు గుర్తుగా కాంస్య విగ్రహాన్ని ఏర్పాటు చేస్తామని ప్రకటించారు. కార్యక్రమంలో బీఆర్‌ఎస్‌ రాష్ట్ర నాయకుడు రేణికుంట్ల ప్రవీణ్‌, మాజీ మంత్రి కొప్పుల ఈశ్వర్‌, కోరుకంటి చందర్‌, పుట్ట మధు, దాసరి మనోహర్‌రెడ్డి, కొల్లేటి దామోదర్‌, మిర్యాల రాజిరెడ్డి, హరీశ్‌రెడ్డి, కౌశిక్‌ హరి, కొంకటి లక్ష్మీనారాయణ తదితరులు పాల్గొన్నారు.
బీజేవైఎం జిల్లా కార్యవర్గ సమావేశంలో కాంగ్రెస్‌ ప్రభుత్వంపై నాయకుల విమర్శలు
ఆసిఫాబాద్, నవంబర్‌ 1:
నిరుద్యోగ యువతకు ఇచ్చిన హామీలను అమలు చేయడంలో కాంగ్రెస్‌ ప్రభుత్వం విఫలమైందని బీజేవైఎం రాష్ట్ర ఉపాధ్యక్షుడు నరెడ్ల ప్రవీణ్‌రెడ్డి, బీజేపీ జిల్లా అధ్యక్షుడు ధోని శ్రీశైలం విమర్శించారు. ఆదివారం ఆసిఫాబాద్‌లోని బీజేపీ జిల్లా కార్యాలయంలో బీజేవైఎం జిల్లా అధ్యక్షుడు ఎలాగతి సుచిత్‌ ఆధ్వర్యంలో జిల్లా కార్యవర్గ సమావేశం నిర్వహించారు. ఈ సమావేశానికి వారు ముఖ్య అతిథులుగా హాజరయ్యారు. జిల్లా ఇన్‌చార్జి మదిన సురేందర్‌ పాల్గొన్నారు. ఈ సందర్భంగా నాయకులు మాట్లాడుతూ నిరుద్యోగ యువతకు ఉపాధి అవకాశాలు కల్పించాలని, ప్రభుత్వ ఉద్యోగ నియామకాలను వేగవంతం చేయాలని డిమాండ్ చేశారు. పెండింగ్‌లో ఉన్న ఫీజు రీయింబర్స్‌మెంట్‌, స్కాలర్‌షిప్‌ బకాయిలను విడుదల చేయడంతో పాటు విద్యాసంస్థల్లో మౌలిక సదుపాయాలు మెరుగుపరచాలని కోరారు. మారుమూల ప్రాంతాల యువతకు పోటీ పరీక్షల శిక్షణ, ఉద్యోగ మార్గదర్శకత్వం అందించాలని సూచించారు. బీజేవైఎం జిల్లా అధ్యక్షుడు ఎలాగతి సుచిత్‌ మాట్లాడుతూ యువత, విద్యార్థులు, నిరుద్యోగుల సమస్యల పరిష్కారం కోసం తమ సంఘం నిరంతరం పోరాడుతుందని తెలిపారు. జిల్లాలో గ్రామస్థాయి నుంచి యువమోర్చాను బలోపేతం చేయాలని, కేంద్ర ప్రభుత్వ సంక్షేమ పథకాలను ప్రజల్లోకి తీసుకెళ్లాలని నాయకులు పిలుపునిచ్చారు. సమావేశంలో బీజేవైఎం జిల్లా ఉపాధ్యక్షులు, ప్రధాన కార్యదర్శులు, కార్యదర్శులు, మండల అధ్యక్షులు, ఇతర యువమోర్చా నాయకులు పాల్గొన్నారు.
కొమరం భీమ్ ఆసిఫాబాద్ జిల్లా ప్రతినిధి:
జిల్లాలోని మహిళలు, యువతులు ఎవరైనా హింసకు, లైంగిక వేధింపులకు గురి అయినట్లయితే నిర్భయంగా పోలీసులను సంప్రదించవచ్చని , షీ టీం భరోసా సెంటర్ అండగా ఉంటుంది అనిbజిల్లా ఎస్పీ కాంతిలాల్ పాటిల్ ఐపిఎస్ ఒక ప్రకటనలో తెలిపారు. మహిళలు, చిన్నపిల్లల రక్షణ కోసం, భరోసా సెంటర్లు పనిచేస్తున్నాయని తెలిపారు. విద్యార్థినులు, మహిళలు అన్యాయానికి గురైనప్పుడు భయపడొద్దని, ధైర్యం గా ముందుకు వచ్చి ఫిర్యాదు చేస్తే నిందితులపై చర్యలు తీసుకుంటామన్నారు. కళాశాల, పాఠశాలల విద్యార్థులకు ర్యాగింగ్, ఈవీ టిజింగ్, ఫోక్సో, షీటీం, యాంటీ ఉమెన్ ట్రాఫికింగ్ పై షీ టీం , భరోసా టీం మరియు సంబంధిత పోలీస్ స్టేషన్ అధికారుల ద్వారా అవగాహన కార్యక్రమాలు నిర్వహిస్తున్నామని తెలియజేశారు. మహిళలు పనిచేసే ప్రదేశాల్లో ఏదైనా హింసకు గురి అయినట్లయితే పోలీస్ స్టేషన్ ని సంప్రదించాలని తెలియజేశారు. తదుపరి భరోసా టీం ద్వారా, కౌన్సిలింగ్, స్టేట్మెంట్ రికార్డింగ్, మెడికల్, రెహబిలిటేషన్ సదుపాయాలు కల్పిస్తునన్నాము అని, విద్యార్దిని, విద్యార్థులకు మహిళలు సామాజిక మాద్యమాలైన ఫేస్ బుక్, వాట్సాప్, ఇన్స్టాగ్రామ్ వినియోగంలో చాలా జాగ్రత్తగా ఉండాలని, ఫొటోలు, వీడియోలు పోస్టుచేసే సమయంలో వ్యక్తిగత భద్రతకు సంబంధించి అన్ని రకాల భద్రత చర్యలు తీసుకోవాలని సూచించారు. మత్తు పదార్థాలకు బానిస అవ్వడం వల్ల కలిగే నష్టాలు, శిక్షలు, వాటి సమాచారం తెల్సిన పోలీస్లకు పిర్యాదు చేయాలనీ,బాల్య వివాహలపై అవగాహనా, ముఖ్యంగా, మైనర్ పిల్లల పై అత్యాచారం, వేధింపులు, ప్రేమల వల్ల జరిగే అనర్దాలు మరియు శిక్షల గురించి అవగాహనా,ఎవరైనా మహిళలు ,పిల్లలు హరాష్మెంట్ గురి అయినట్లు గమనిస్తే, పోలీసులను నేరుగా సంప్రదించలేని వారు భరోసా ని సంప్రదించాలని తెలియజేశారు. ఆసిఫాబాద్ జిల్లా భరోసా నెంబర్ 8712670561, లేదా డయల్ 100,112 కు సమాచారం అందించాలని, సమాచారం తెలిపిన వారి వివరాలు గోప్యంగా ఉంచడం జరుగుతుందని ఎస్పీ తెలిపారు.
జిల్లా అదనపు కలెక్టర్ (స్థానిక సంస్థలు) దీపక్ తివారి
కొమరం భీమ్ : ఆసిఫాబాద్ జిల్లా ప్రతినిధి:
ప్రభుత్వం జూనియర్ కళాశాలలో విద్యార్థిని, విద్యార్థులకు సమాజ విలువలతో కూడిన గుణాత్మక విద్యను అందించాలని జిల్లా అదనపు కలెక్టర్ (స్థానిక సంస్థలు) దీపక్ తివారి అన్నారు. గురువారం జిల్లా కేంద్రంలోని ప్రభుత్వ జూనియర్ కళాశాలను సందర్శించి విద్యార్థుల హాజరు పట్టిక, మౌలిక సదుపాయాలను పరిశీలించారు. ఈ సందర్భంగా జిల్లా అదనకు కలెక్టర్ మాట్లాడుతూ ప్రభుత్వం విద్యా రంగాన్ని అభివృద్ధి చేసే విధంగా అనేక కార్యక్రమాలు చేపట్టి విద్యార్థులకు సకల సదుపాయాలతో కూడిన నాణ్యమైన విద్యను అందించడం కోసం ప్రత్యేక చర్యలు తీసుకుంటుందని తెలిపారు. ఈ క్రమంలో కళాశాలలో విద్యార్థులకు ఎలాంటి అసౌకర్యం కలగకుండా సదుపాయాలు కల్పించడంతో పాటు నిష్ణాతులైన అధ్యాపకులతో విద్యాబోధన అందించాలని, వెనుకబడిన విద్యార్థులపై ప్రత్యేక దృష్టి సారించాలని తెలిపారు. కళాశాలలో చేయవలసిన మరమ్మత్తులను వేగవంతం చేసి త్వరగా పూర్తి చేసే విధంగా చర్యలు తీసుకోవాలని అధికారులను ఆదేశించారు. ఆసిఫాబాద్ మున్సిపల్ పరిధిలోని ఆర్. ఆర్. కాలనీలో నిర్మిస్తున్న ఇందిరమ్మ ఇండ్ల నిర్మాణాలను పరిశీలించారు. ప్రభుత్వం నిరుపేదలకు గూడు కల్పించే ఉద్దేశంతో ఇందిరమ్మ ఇండ్ల పథకం ద్వారా లబ్ధిదారులకు ఇండ్లు మంజూరు చేయడం జరిగిందని, లబ్ధి పొందిన వారు నిబంధనల ప్రకారం 600 చదరపు అడుగుల విస్తీర్ణంలో ఇంటి నిర్మాణం చేపట్టాలని తెలిపారు. ఇందిరమ్మ ఇండ్ల బిల్లులు సకాలంలో అందించేందుకు అధికారుల సమన్వయంతో చర్యలు తీసుకుంటామని తెలిపారు. ఈ కార్యక్రమంలో సంబంధిత అధికారులు తదితరులు పాల్గొన్నారు
కొమరం భీమ్ జిల్లా: శ్యామ్ మృతికి కారణమైన వైద్య సిబ్బందిపై వెంటనే చర్యలు తీసుకోవాలని బిజెపి జిల్లా అధికార ప్రతినిధి కేసరి ఆంజనేయులు గౌడ్ అన్నారు. కొమరం భీమ్ జిల్లా రెబ్బెన మండల కేంద్రంలోని పిహెచ్సి ఆరోగ్య కేంద్రంలో నిన్న రాత్రి గొల్లగూడెం కు చెందిన మొగిలి చిన్నాన్న కుమారుడు శ్యామ్ (నాలుగు సంవత్సరాలు) పాము కాటు వేయడంతో వైద్యం అందక మరణించాడు. బుధవారం హాస్పటల్ సందర్శించిన బిజెపి జిల్లా అధికార ప్రతినిధి కేసరి ఆంజనేయులు గౌడ్ జిల్లా కార్యదర్శి కుందారపు బాలకృష్ణ మాట్లాడుతూ రాత్రి 11:30 కు హాస్పిటల్కు తీసుకువచ్చిన వైద్యం అందించకపోవడంతో , ఆంబులెన్స్ అందుబాటులో లేకపోవడంతో వారు హుటాహుటిన బైకుపై బెల్లంపల్లి హాస్పిటల్ కి చేరుకున్న కొద్ది నిమిషాలకే మృతి చెందడం జరిగింది. రెబ్బెన హాస్పిటల్లో సరైన వైద్య సిబ్బంది లేకపోవడం, మందులు అందుబాటులో లేకపోవడం , ఉన్న సిబ్బంది వారు మధ్యాహ్నానికే ఇంటికి వెళ్లడం జరుగుతుందని, వీరీ పై అధికారుల పర్యవేక్షణ కరువైందని అన్నారు. రెబ్బెన మండలంలో సుమారుగా 80000 జనాభా ఉంటుందని రేబ్బెన నేషనల్ హైవేపై ఎప్పటికీ రోడ్డు ప్రమాదాలు జరుగుతున్నాయని, దీనికి ఒకే ఒక్క డాక్టర్ నియమించడం ఆ డాక్టర్ కి జిల్లా ప్రోగ్రాం ఆఫీసర్ గా బాధ్యతలు అప్పగించడంతో రెబ్బెన మండల ప్రజలకు సరైన వైద్యం అందించడంలో అధికారులు నిర్లక్ష్యం వహిస్తున్నారనిఅన్నారు. ప్రజల ప్రాణాలు కాపాడాలన్న సోయిలేదని దీనిపై ప్రభుత్వ అధికారులు కూడా పట్టించుకోకపోవడంతో ఈ ఆసుపత్రిలో ప్రజలకు సరైన వైద్యం అందడం లేదని, అసలే వర్షాకాలం ఇలాంటి సమయంలో వైద్య సిబ్బంది పూర్తిగా అప్రమత్తంగా ఉండి అందుబాటులో ఉండవలసి ఉండగా వైద్య సిబ్బంది నిర్లక్ష్యం మూలంగా చిన్నారి బాలుడు మృతి చెందడానికి వైద్య సిబ్బంది కారణం. ఇప్పటికైనా ప్రభుత్వ ఉన్నతాధికారులు స్పందించి పూర్తిస్థాయి వైద్య సిబ్బందిని నియమించి రోగుల ప్రాణాలను కాపాడాలని బిజెపి డిమాండ్ చేస్తుంది. లేనిపక్షంలో జిల్లా వ్యాప్తంగా ఆందోళన కార్యక్రమాలు చేస్తామని హెచ్చరిస్తున్నాం .ఈ కార్యక్రమంలో బిజెపి మండల ప్రధాన కార్యదర్శి పసుపులేటి మల్లేష్ , లక్షింపూర్ మాజీ సర్పంచ్ కోలే శ్యామ్ రావు. ఎనగంటి శ్రీశైలం. చౌదరి సుభాష్. కాశవేణి మల్లేష్ తదితరులు పాల్గొన్నారు.
